Atakan fransè a ki gen orijin li ayisyèn, Wilson Isidor ki gen 27 lane , rete youn nan non Federasyon Ayisyèn Foutbòl la kontinye swiv aprè kalifikasyon Ayiti pou Mondyal 2026 la. Jwè a, ki fòme nan Rennes epi ki pase pa AS Monaco ak Lokomotiv Moscow, l ap evolye kounye a nan Sunderland AFC , nan chanpyona Angletè.

Ayiti te deja fè yon premye apèl pou l te rejwenn seleksyon an pandan kalifikasyon mondyal la, men nan moman sa a Isidor pat reponn e l pat fèmen pòt l t ap evalye posiblite pou li reprezante ekip Lafrans lan. Apre kalifikasyon istorik seleksyon an, Prezidan Komite Nòmalizasyon FHF la, Madame Monique André, fè konnen sou Team Rudy Sanon ke Federasyon an pral relanse kontak ak jwè a pou reouvri dosye a paske chak jwè ke ayiti gen posibilite jwenn ap enpòtan.

Dapre analis espòtif yo, pwofil Isidor la ta ka ofri plis pwofondè ak plizyè opsyon teknik nan liy atak ekip nasyonal la pandan faz preparasyon an pou Mondyal 2026 la.

Author: Machannzenht

Nou se MACHANN ZEN HAITI